LETRAS GALEGAS 2023: AS COUSAS DE DON PACO

Para comezar a xornada do martes contamos coa visita do noso Don Paco particular quen nos agasallou cunha fermosa poesía express de Manuel María titulada "Galicia".

A continuación, fomos subindo á biblioBN en equipos mixtos para descubrir "As cousas de Don Paco", as cales estaban agochadas en 5 caixas coas súas respectivas adiviñas. Os nenos e nenas maiores foron lendo as adiviñas e, entre todos, tentamos descifrar o obxecto escondido.

Unha vez resolto o acertixo, explicamos a historia de cada obxecto (lapis, reloxo, lupa, máquina de escribir e cámara fotográfica) e a importancia do mesmo na vida de Don Paco.

Como agasallo por ter superado este reto, conseguimos as lentes de Don Paco e fixemos unhas fotos con elas para levalas para casa como recordo deste día tan especial.

Para facer esta actividade baseámonos na obra teatral creada por Eva Mejuto e ilustrada por Lucía Cobo para a Real Academia Galega en primaveradasletras.gal

A RAG PON EN MARCHA A PRIMAVERA DAS LETRAS

Na páxina web https://primaveradasletras.gal/ xa podedes atopar recursos lúdicos e didácticos para traballar a figura de Xela Arias, autora homenaxeada no Día das Letras Galegas 2021.

En Barrionovo xa nos estamos preparando para esta data tan especial e agradecemos moito este recurso que ofrece a Real Academia Galega.

NÓS: PALABRA DO ANO 2020

Finalmente, "Nós" foi a palabra escollida polos votantes do Portal das Palabras como "Palabra do Ano 2020" superando aos termos relacionados coa pandemia.

ESCOLLE A PALABRA DO ANO 2020

 A Real Academia Galega e a Fundación Barrié están a elixir a palabra do ano para este 2020. Tedes ata o día 25 de decembro ás 23:59 horas para escoller entre os seguintes termos que foron os que resultaron finalistas: gromo, máscara, nós, pandemia, seteiro e vacina.

Clicando na seguinte imaxe poderás rexistrar o teu voto.