#SementadePensamentos. Día de Rosalía 2022

En Barrionovo levamos todo o mes falando de Rosalía de Castro e facendo diferentes actividades para conmemorar o aniversario do seu nacemento.

Agora tócanos ensinarvos o noso produto final froito de moitos días de traballo. Seguindo a proposta feita pola AELG titulada #SementadePensamentos elaboramos os nosos propios vídeos empregando a técnica do stop motion nos que os cativ@s sementaron os seus pensamentos e deles naceron as flores favoritas de Rosalía, os pensamentos.

Aquí vos deixamos as producións de cada aula. Agardamos que vos gusten!

Feliz Día de Rosalía! 

Aula de 3 anos

Aula de 4 anos

Aula de 5 anos

COMEZAMOS COAS ACTIVIDADES DO MES DE ROSALÍA

Martes de Poesía Express cuns versos extraídos de "Cantares gallegos" os cales están moi relacionados co noso proxecto anual.

Este poema serviranos para iniciar a actividade que levaremos a cabo durante estes días para conmemorar o Día de Rosalía.

Estade ben atent@s porque nos uniremos como en cursos anteriores á proposta feita pola AELG que neste ano 2022 é #SementadePensamentos.

ROCKSALÍA

E aquí tedes a nosa aportación á proposta feita este año pola AELG para conmemorar o Día de Rosalía de Castro.

Un rock creado polas Punk and Blues teachers no que se inclúen uns versos de Follas Novas  marabillosamente recitados polos nosos nenos e nenas.

A rockear!!

DÍA DE ROSALÍA 2021

Hoxe celebramos o Día de Rosalía. Como sabedes, durante este día tan especial levamos a cabo a gravación do videoclip do novo éxito das Punk and Blues teachers, ROCKSALÍA. Para isto empregamos a técnica do croma.

E como na nosa escola rebosamos arte en todas as súas expresións, rematamos o día acuarelando o retrato desta icónica poetisa galega.

#LIBREOMEUPENSAMENTO: DÍA DE ROSALÍA (2019)

E aquí está o resultado do traballo destes días. Agardamos que vos guste!

#LIBREOMEUPENSAMENTO: ÚLTIMOS DETALLES

Xa case rematamos os preparativos para a celebración do Día de Rosalía. O luns, a primeira hora, terá lugar na biblioBN a presentación do traballo realizado polo alumnado en relación coa proposta da AELG deste ano #LibreOMeuPensamento.

#LIBREOMEUPENSAMENTO: "ADIÓS RÍOS, ADIÓS FONTES"

A poesía express deste martes, como non podía ser doutro xeito, estivo adicada a Rosalía de Castro. Empregamos un dos seus poemas máis célebres para realizar un camiño sensorial moi interesante.

Ao rematar este camiño e ir recompilando os versos para compoñer o poema, decidimos plantalo no noso horto.

A próxima semana descubriremos o resultado.

#LIBREOMEUPENSAMENTO: ACTIVIDADES

Aquí tedes unha parte do resultado do croma que estivemos a realizar a semana pasada.

Unha vez que tod@s estivemos convertidos en Rosalía de Castro, pasamos a traballar con estas imaxes para intentar emular o cartel da proposta da AELG #LibreOMeuPensamento.

Para iso empregamos unhas endibias, as cales cortamos e pintamos con témpera para poder estampalas imitando o efecto das flores.

Estes días seguiremos deixando voar os nosos pensamentos para engadirlle algúns elementos máis ás nosas composicións.

Seguiremos informando...

#LIBREOMEUPENSAMENTO: PREPARATIVOS

Xa falta pouco para o Día de Rosalía e, en Barrionovo, andamos argallando algo...

Permanecede atentas/os, nuns días ides ter máis información. 

 

DÍA DE ROSALÍA 2018

En Barrionovo levamos desde primeiros de mes traballando a figura de Rosalía de Castro, protagonista do noso calendario xunto con Eduardo Pondal, e son varias as actividades que levamos a cabo en relación coa súa figura.

Participamos na convocatoria da AELG #AbrideAFiestra cun croma no que participaron os alumnos/as e as súas familias. 

 

Empregando a técnica da impresión 3D, imprimimos a silueta da cabeza de Rosalía e pegámola enriba da súa cara para crear as nosas propias obras de arte abríndolle a fiestra. Clicar na imaxe para ver todo o proceso.

No noso venres de Encurtas, visionamos unha animación realizada polo alumnado do IES As Barxas, de Moaña, en relación co poema "Eu ben vin estar o moucho" de Rosalía de Castro.

 

E, finalmente, continuamos coa nosa serie "C(r)oma galeg@s" que, neste mes, tivo como protagonista á parella formada por Rosalía e Manuel Murguía.

#RosalíaTE: Día de Rosalía de Castro 2017

Un ano máis celebramos a Rosalía sumándonos á proposta da AELG: creamos, dixitálmente, as nosas máscaras de Rosalía e fotografámonos en familia.

  Así as fixemos empregando os editores Prisma e Paint Art:

#MOBILIZA ROSALÍA

SUMAMONOS Á INICIATIVA DA AELG PARA CONMEMORAR O DIA DE ROSALIA

DESPOIS DE RETRATAR A ROSALIA NA POSTAL NO TALLER DE ARTE

PEGAMOS A COMPOSICIÓN QUE FIXERON OS NENOS E NENAS DE 6º NA MESA DE LUZ, CON PEZAS DO SCRABBLE

SELAMOS AS POSTAIS

E LEVÁMOLAS Á CAIXA DE CORREOS