O CANTO DE CIRCE E MORGANA

LETRAS GALEGAS 2026

Comezamos a xornada convertidos en detectives na procura de pistas para descifrar misterios e recuperar a memoria perdida da nosa homenaxeada no Día das Letras Galegas.

Visualizamos o vídeo de motivación inicial

Distribuímonos en equipos coa mochila correspondente

Descubrimos o material que contén a bolsa e comezamos a descifrar misterios

Nome e apelidos da autora con código secreto

Título da primeira e segunda novela con lupas máxicas

Lugar de nacemento empregando as coordenadas atopadas no sobre agochado

 

Profesións tratando de adiviñar sen mirar os obxectos agochados na caixa do tacto

Busca no patio da chave da cor do equipo para abrir o cofre do tesouro

Crebacabezas 

Unha vez resoltos todos os misterios, xuntámonos de novo para poñer en común toda a información e abrir o cofre do tesouro. Mais para iso, precisabamos un código numérico con 4 díxitos que conseguimos ao completar o xogo final "A piñata de Barrionovo".

E, para rematar, abrimos o cofre e conseguimos a recompensa que consistía nun diploma válido para unha xornada de xogos populares en familia o próximo 19 de maio.

Parabéns polo grandísimo traballo, detectives!

O material empregado foi extraído de:

http://seminariogalan.org/inicio/2026/actividades

https://www.lingua.gal/documents/204205/217709/guia_Begona_sementes.pdf?version=1.0

Semana das letras galegas na aula azul

 O 17 de Maio celebramos o día das Letras Galegas, en Barrionovo durante toda a semana fixemos actividades adicadas as CANTAREIRAS E PANDEREITEIRAS e a tradición oral, descubirndo no mapa aldeas de Galicia, instrumentos de música con obxectos da vida cotiá naquel tempo, coplas que falan de alimentos e BAILANDO E CANTANDO.

E ao mesmo tempo seguimos contando, aprendendo letras, representando a realidade a través do debuxo, fomentando a autonomía e traballando outros contidos da escola...

ENCONTROS BN: FESTEXANDO AS LETRAS GALEGAS CON ANA EDREIRA

Hoxe na biblioBN conmemoramos o Día das Letras Galegas co obradoiro "As cantareiras" a cargo de Ana Edreira, directora das pandereteiras de Xacarandaina e nai dun antiguo alumno da nosa escola.

 

Grazas a ela puidemos coñecer un pouquiño máis sobre as homenaxeadas nas Letras Galegas 2025 e compartimos algunhas tradicións galegas (coplas, instrumentos, bailes...).

Moitas grazas Ana!  

POESÍA EXPRESS: LETRAS GALEGAS

Iniciamos a semana das Letras Galegas cunha poesía express extraída do libro "Caderno de fume" de Antonio Teijeiro e Leandro Lamas relacionada coas verbas na nosa lingua.

            

Palabras como: muller, bolboretas, vasoira ou culler foron as elixidas polo alumnado da aula rosa para representala.

INICIAMOS A SEMANA DAS LETRAS GALEGAS

 Esta semana na biblioBN estamos inmersos no mundo da tradición popular oral galega. Contamos con diversos elementos empregados antiguamente en Galicia para facer música (cunchas, lata de pimentón tixola de ferro...) e un mapa de Galicia no que estamos ubicando os lugares de onde procedían as homenaxeadas no Día das Letras Galegas deste ano 2025.

Tamén puidemos comprobar como empregaban estes obxectos para facer música e os diferentes momentos nos que o realizaban: facendo o xantar, lavando no río, na matanza do porco... e escoitamos algunhas desas coplas na voz da mestra de música.

Nunha desas coplas, a mestra Lara contou coa axuda dunha pequena pandereteira da aula laranxa. 

Para rematar, empregamos algúns recursos do Seminario Galán para identificar os instrumentos que utilizaban as cantareiras e debuxar outros dos que acababamos de coñecer.

LETRAS GALEGAS 24: ALMA DE VIOLINO

O xoves día 16 conmemoramos o Día das Letras Galegas con diferentes actividades.

Recibimos na biblioBN  a Alma, compañeira de Luísa Villalta, quen saíu do violino para contarnos moitas cousiñas da vida da autora homenaxeada.

Como despedida, despois de meterse no violino de novo, Alma deixounos unha nube de pompas de xabrón.

Baseámonos no libro "Alma de violino" de Beatriz Maceda e Eli Ríos.

Despois empregamos a nosas palabras favoritas en lingua galega, elixidas na casa coas nosas familias, para completar o mural co skyline da cidade de A Coruña e os seus monumentos máis relevantes.

Por outra banda, nas aulas tamén traballamos con estas palabras para facer creacións poéticas como a que podedes ver no seguinte vídeo.

Para finalizar o día, levamos para casa unha lingua feita coa impresora 3D e un código QR que enlaza á páxina deste mesmo blogue na que se atopa o repositorio de todas as cantigas en lingua galega empregadas nos calendarios deste curso. 

http://barrionovofalagalego.blogspot.com/p/barrionovo-canta-en-galego.html

PALABRAS QUE DEBUXAN

 Igual que o poema "Obelisco" de Luisa Villalta. Nós tamén debuxamos con palabras.

LETRAS GALEGAS 2023: "A MIÑA BURRIÑA"

 Na homenaxe a Don Paco non podían faltar a música e o baile e, por iso, coa profe Lara estivemos aprendendo a canción favorita de Francisco Fernández del Riego.

O martes, ao rematar o tempo do recreo, bailamos e cantamos todos xuntos "A miña burriña" no parque.

LETRAS GALEGAS 2023: AS COUSAS DE DON PACO

Para comezar a xornada do martes contamos coa visita do noso Don Paco particular quen nos agasallou cunha fermosa poesía express de Manuel María titulada "Galicia".

A continuación, fomos subindo á biblioBN en equipos mixtos para descubrir "As cousas de Don Paco", as cales estaban agochadas en 5 caixas coas súas respectivas adiviñas. Os nenos e nenas maiores foron lendo as adiviñas e, entre todos, tentamos descifrar o obxecto escondido.

Unha vez resolto o acertixo, explicamos a historia de cada obxecto (lapis, reloxo, lupa, máquina de escribir e cámara fotográfica) e a importancia do mesmo na vida de Don Paco.

Como agasallo por ter superado este reto, conseguimos as lentes de Don Paco e fixemos unhas fotos con elas para levalas para casa como recordo deste día tan especial.

Para facer esta actividade baseámonos na obra teatral creada por Eva Mejuto e ilustrada por Lucía Cobo para a Real Academia Galega en primaveradasletras.gal

PRESENTACIÓN ACTIVIDADE LETRAS GALEGAS 2023

 Este venres, na biblioBN, xuntámonos as tres aulas do centro para presentar a actividade relacionada con Francisco Fernández del Riego que desenvolveremos ao longo da próxima semana.

Coñecimos a infancia de Don Paco grazas ao seguinte vídeo elaborado polo CEIP Juan Rey.

E despois explicamos que, a partires do luns, iremos subindo á biblio en equipos mixtos para descifrar as adiviñas que nos desvelarán o contido das cinco caixas de Don Paco.