DÍA DA ILUSTRACIÓN 2021

Hoxe, ademais do Día da Paz e Non Violencia, celébrase o Día da Ilustración coincidindo coa data de nacemento de Castelao. A homenaxeada deste ano e Lolita Díaz Baliño (1905-1963) que foi unha pioneira artista multidisciplinar que desafiou as convencións sociais da época. Destacou na ilustración, na pintura e na fotografía. 

Na escola estamos a traballar con esta fermosa ilustración de Lolita Díaz na que representa a unha peregrina camiño a Compostela.

Clicando na seguinte imaxe podedes ampliar a información sobre esta artista e consultar a programación de actividades conmemorativas deste día.

DÍA DA ILUSTRACIÓN E A PAZ

Hoxe celebramos  o día da ilustración e o día internacional da paz e da non violencia.
Comezamos vendo o conto ilustrado de Nikolai Popov "Por que?", no cal amosábase a incomprensión de cara as loitas, e a importancia de resolver os problemas da vida cotiá de forma pacífica e respetuosa.

Por que. from biblio BN on Vimeo.

Logo, collimos uns periódicos e nos decatamos de que a maioría de noticias que había neles eran negativas, polo que decidimos romper con elas e construir entre todas as aulas uns veleiros que levaran valores e palabras positivas, partindo da canción de María FumaÇa "o veleiro verde", canción que xa traballaramos días atrás cos nenos, e co cal fixemos un vídeo que podedes ver máis abaixo.

O veleiro de Barrionovo from biblio BN on Vimeo.

Este foi o resultado final:

CALENDARIO XANEIRO

DÍA DA ILUSTRACIÓN 2019

Este mércores 30 de xaneiro, conmemoramos o nacemento dun persoeiro ilustre moi querido e coñecido en Barrionovo, Castelao. Para iso, aproveitamos unha das súas fermosas ilustracións, neste caso a titulada "Que pequenos son os homes" a cal está moi relacionada co noso proxecto anual #somosdemonte.

Mediante un croma quixemos representar a grandeza dos montes en comparación cos humanos.

Ademais, nas aulas, realizamos as nosas intervencións artísticas nesta fermosa lámina empregando papel de esbozo e rotuladores fluorescentes.