martes, 29 de decembro de 2020

ELECCIÓN DA HOMENAXEADA NAS LETRAS GALEGAS 2021

A Real Academia Galega dedicaralle o Día das Letras Galegas 2021 a Xela Arias, unha das voces máis destacadas da poesía galega contemporánea.

En Barrionovo xa nos estamos poñendo ao día para homenaxear a esta autora como merece durante o mes de maio.

luns, 28 de decembro de 2020

NÓS: PALABRA DO ANO 2020

Finalmente, "Nós" foi a palabra escollida polos votantes do Portal das Palabras como "Palabra do Ano 2020" superando aos termos relacionados coa pandemia.



venres, 18 de decembro de 2020

ESCOLLE A PALABRA DO ANO 2020

 A Real Academia Galega e a Fundación Barrié están a elixir a palabra do ano para este 2020. Tedes ata o día 25 de decembro ás 23:59 horas para escoller entre os seguintes termos que foron os que resultaron finalistas: gromo, máscara, nós, pandemia, seteiro e vacina.

Clicando na seguinte imaxe poderás rexistrar o teu voto.




mércores, 16 de decembro de 2020

VISITA DO APALPADOR

Este venres día 18 contaremos cunha visita moi especial, o apalpador chegará a Barrionovo para contarlles aos nenos e nenas contos para o Nadal.


Agardámoste, Apalpador!

venres, 4 de decembro de 2020

CONTACONTOS: TROPA DE TRAPO

Grazas a Anpa, hoxe contamos coa visita da compañía de teatro "Tropa de trapo" quen nos agasallou co seu espectáculo "Contos de nenas grandes e pequenas".
Clicando na imaxe poderedes ampliar a información sobre esta actividade.