SAMAÍN 24

Festexamos o Samaín cun obradoiro terrorífico no Fedelleiro e unha xuntanza no noso patio ao redor das cabazas aportadas pola familias.

ELEMENTOS DE OUTONO

 Debullamos mazorcas de millo.

Valeiramos cabazas polo samaín.

Aprendemos os perigos que pode ocasionar tocar ou manipular cogomelos. Utilizamos a app lens para identificar os que sairon nunha das macetas do noso patio.

POIS IMOS CONTAR UN CONTO...DO SAMAÍN

CROMA SAMAÍN 2023

 O Samaín de Mamá Cabra serviu de inspiración para este terrorífico…Croma de Medo!

O Samaín 23 from biblio BN on Vimeo.

ENCONTXOS BN: A FIGUEIRA DE PELOSTORTOS

 Para celebrar o día do Samaín o profe Juan converteuse en Vampiro e interpretou un conto “A figueira de Pelos tortos”

Así de ben o pasamos

E despois…

Merendas terroríficas!!

SAMAÍN NA BIBLIOGALÁN

 Este luns visitamos a exposición de Cabazas do Ceip Galán

E despois na Biblio desfrutamos do conto MONSTR3S, de Laura Parrula e Óscar Villán, e interpretado pol@s axudantes de biblio, algún deles exalumnos da nosa escola.

Por último obradoiros de Samaín: croma, pescuda de bechos, marcapáxinas e pintacaras

Todo coa axuda dos axudantes de Biblio

Grazas chic@s!

SAMAÍN NA BIBLIOBN

 

Festexando o Samaín

E así o festexamos... primeiro na Biblio Galán

 Un conto de MEDO "A estraña sorpresa", da man de Pablo, exalumno da escola, e máis un xogo de pistas, con personaxes terroríficas!

Grazas Pablo e Iván!

 Fantástica lectura!

Despois... de visita polo túnel do terror e a exposición de cabazas!

Grazas pola invitación!!

E a acollida!

Na Cociña da bruxa... Galletas de Samaín

Despois de escoitar que cousas hai na cociña da Bruxa...

 TOCA POÑERSE A COCIÑAR!

No espazo Fedelleiro estase a cocer un obradoiro de cociña durante toda a semana. A aula azul xa cociñou unhas ricas galletas co ingrediente protagonista desta semana de Samaín: CABAZA!!!! 

Cada día da semana, cada aula cociñará cadansúas galletas.

SE QUEREDES COCIÑAR NA CASA, ESTA É A RECEITA QUE NOS TROUXO A BRUXA:

Día das Bibliotecas: "A pantasma das bragas rotas"

Hoxe, día das bibliotecas, celebrámolo con este fantástico conto "A pantasma das bragas rotas", de Nube ocho ediciones, a través dun teatriño de sombras.

Pasámolo de MEDO!!

E despois... fixemos entrega dos carnés dos novos usuarios da biblioteca.

Feliz Día das Bibliotecas!!

Preparad@s para pasalo de MEDO!

Esta semana... arrinca O SAMAÍN!

 

SAMAÍN EN BARRIONOVO

 Aquí vos deixamos algunhas das actividades que realizamos na escola para celebrar o samaín.

-Pintura de cabazas ao estilo Yayoi Kusama

-Visita ás aulas da bruxa Maruxa para dramatizar a poesía express desta semana.

-Seleción de contos de samaín no expositor da entrada e elaboración de guía de lectura con recomendacións.

-Elaboración nas aulas de carautas de alien.

-Festa de disfraces.

 

UN DÍA DIFERENTE!

O venres celebramos o Samaín, os nenos e nenas viñeron ó cole disfrazados e dende a biblio, a través da pantalla contáronnos un conto moi relacionado co proxecto #camiñanteSIhaicamiño e co Samaín: "Sar Sarela e os monstros de Compostela", foi moi interesante e ademais en galego!

Aquí vos ensinamos o ben que o pasamos:

SEGUIMOS CO SAMAÍN!

O luns chamounos dende a biblioBN unha bruxiña que nos contou "A lenda do peregrino". Todos e todas quedamos de pedra, non sabíamos que pasaba iso na praza da Quintana de Santiago de Compostela.

Logo tamén nos convidou a pasarnos pola biblio durante esta semana, pois alí espéranos un cemiterio de contos de terror.

Podedes ver como foi todo no seguinte vídeo:

Seguiremos informando!

COMEZA A SEMANA DO SAMAÍN!

Como xa todos sabedes esta semana celébrase o Samaín (festa moi antiga en Galicia) e como non no noso cole tamén. Por iso dende o EDLG de Barrionovo propoñémovos unha canción de Paco Nogueiras do seu CD "Brinca Vai" para ir entrando en ambiente terrorífico.

Os nenos e nenas da aula laranxa xa a escoitaron hoxe na sesión de música e encantoulles, esperamos que a vós tamén.

O longo destes días irémovos contando o que vai pasando.. que medo!!

 

POESÍA EXPRESS DO SAMAÍN

A profe Desi sorprendeunos coas arrepiantes rimas de "Monstruos patas arriba" da Ed. Vicens Vives.

Despois demostramos a nosa valentía xogando co medo e metendo a man en caixas con miolos, ollos, tripas... 
Para rematar abrimos as caixas e descobremos o que en realidade contiñan (espaguetes, xelatina con olivas, luva con cenoria e iogur).

Pasámolo de medo!!!

SAMAÍN 2018

Aquí vos deixamos algunhas das actividades que realizamos estes días con motivo da celebración do Samaín.
-Saída ao Ceip Galán para admirar a súa magnífica exposición de cabazas

 

-Encontro "Medos fóra" no cal expulsamos os nosos medos grazas a unha apócema máxica

-Poesía express elaborada nas sesións de internivel e baseada na canción "No samaín" de Paco Nogueiras

  

-Guía de lecturas terroríficas

-Cartilla de lecturas para as aulas co obxectivo de ler cada día un conto da selección "Que medo de contos"