DÍA DE ROSALÍA 2025

Festexamos o Día de Rosalía (23 de febreiro) coa lectura dun poema extraído do libro "Paseniño, paseniño" de Antonio García Teijeiro no que homenaxea a Rosalía de Castro.

Letras e rosas realizadas coa impresora de corte e extraídas do cartel da Fundación Rosalía de Castro.

Empregamos as rosas para estampalas e engadilas ao mural colectivo.

Todo o proceso foi recollido nun Stopmotion que será visionado este Venres de EnCurta.

Como colofón deste día, levamos de agasallo os medallóns elaborados no Obradoiro de Flores Silvestres.

DÍA DAS ESCRITORAS 2024

Festexamos o Día das Escritoras escoitando o conto "O dedo no nariz" de Paula Merlán todos xuntos na biblioBN.

ENCONTROS BN: PAULA CARBALLEIRA

 Paula Carballeira, escritora, actriz e narradora oral, entre outras facetas, visitará a nosa escola para compartir en familia o xeito de ler e contar contos, como ela tan ben o fai.

EncontRos BN: Sabela Trelles

Hoxe tivemos a sorte de contar, na nosa biblioteca, coa presenza de Sabela Trelles, escritora galega, que nos contou un dos seus contos "Que queres ser de maior, pequena", da editorial Xerais.

E que mellor maneira que a presenza dunha muller, escritora, e galega, para conmemorar a semana das escritoras nas bibliotecas escolares.

Grazas Sabela polo teu tempo e por axudarnos a alimentar a nosa IMAXINACIÓN!

E coma despedida... firma no libro de visitas e agasallo 3D

Na aula dos maiores fixemos un dos xogos que nos popuxo tras o conto. 

Poñemos a nosa imaxinación e creatividade en marcha inventando novas palabras como inspiración para escribir historias.