POESÍA EXPRESS: XOANIÑA VOA, VOA

Este martes a poesía express foi un poema relacionado coas xoaniñas extraído do libro "Eu ben vin, virivín" de Manuel Rico Verea.

CALENDARIO OUTUBRO

A HORTA DE RAMÓN E MARI

Onte os tíos de Ainara e Leire (ex alumnas da nosa escola) invitáronnos a ver como recollían millo e cabazas na súa horta.

Con eles aprendemos novas cousas da horta e puidemos levar millo e cabazas para decorar polo Samaín. 

Grazas familia!

Na aula seguiremos a investigar sobre estes produtos da horta. A nosa contorna máis próxima está a ser a base do noso PDI.

Por último, recordamos e cantamos "Pan de Millo" de Migallas, un dos nosos grupos musicais preferidos.

#PERIGO!NATUREZA!

Iniciamos o curso cun novo proxecto relacionado coa natureza da nosa contorna máis próxima e para comezar fixemos un Encontxo cuns bechiños moi especiais: con raias, lunares, con rodas...

Os mestres Lara e Juan puxeron voz e música a este conto de Kalandraka titulado "Quen é ese becho?"

CALENDARIO SETEMBRO

LETRAS GALEGAS 2023: "A MIÑA BURRIÑA"

 Na homenaxe a Don Paco non podían faltar a música e o baile e, por iso, coa profe Lara estivemos aprendendo a canción favorita de Francisco Fernández del Riego.

O martes, ao rematar o tempo do recreo, bailamos e cantamos todos xuntos "A miña burriña" no parque.

LETRAS GALEGAS 2023: AS COUSAS DE DON PACO

Para comezar a xornada do martes contamos coa visita do noso Don Paco particular quen nos agasallou cunha fermosa poesía express de Manuel María titulada "Galicia".

A continuación, fomos subindo á biblioBN en equipos mixtos para descubrir "As cousas de Don Paco", as cales estaban agochadas en 5 caixas coas súas respectivas adiviñas. Os nenos e nenas maiores foron lendo as adiviñas e, entre todos, tentamos descifrar o obxecto escondido.

Unha vez resolto o acertixo, explicamos a historia de cada obxecto (lapis, reloxo, lupa, máquina de escribir e cámara fotográfica) e a importancia do mesmo na vida de Don Paco.

Como agasallo por ter superado este reto, conseguimos as lentes de Don Paco e fixemos unhas fotos con elas para levalas para casa como recordo deste día tan especial.

Para facer esta actividade baseámonos na obra teatral creada por Eva Mejuto e ilustrada por Lucía Cobo para a Real Academia Galega en primaveradasletras.gal