ESTE MES DE MAIO É O MES DAS FLORES

 Coa chegada do mes de maio, aproveitamos para facer unha actividade co conto "Flores" de Hervé Tullet e co seguinte poema popular galego.

Primeiro fixemos a lectura do mesmo no patio.

Despois da poesía express, os nenos e nenas da aula laranxa fixeron as súas propias creacións inspiradas nas flores de Hervé Tullet empregando témperas sólidas.

Pola tarde, na actividade de Lectura e familias, recitamos tamén un poema relacionado coas rosas incluído no libro "Caderno de fume" de Antonio García Teijeiro e Leandro Lamas.

E, por último, e coa axuda das familias puxémonos mans á obra para crear os nosos cadros florais. Empregando cartón, aironfix, flores secas e a nosa creatividade elaboramos diferentes obras artísticas.

LIPDUB 8M "VARRE VASOIRA"

Aproveitamos o luns de Lectura e familias para preparar coa súa axuda os carteis que empregaremos no lipdub que faremos co alumnado coa canción "Varre vasoira" do grupo Fillas de Cassandra.

OBRADOIRO DE EDUCACIÓN SEXUAL A CARGO DAS FAMILIAS

 Jennifer, mamá de Andrea, compartiu connosco unha charla en familia sobre a educación sexual e a importancia de traballalo dende a infancia.

Ela, máis dúas compañeiras do Comité Antisida, levaron a cabo un obradoiro que constou de dúas partes: Unha charla ás familias e un obradorio cos nen@s

Finalizamos a xornada tod@s xuntos na biblioteca lendo o conto “Monstro de ollos vermellos” e visualizando a importancia de contar os segredos “malos” a un adulto de confianza.

MOITÍSIMAS GRAZAS AS TRES POLO VOSO TEMPO E DEDICACIÓN