“Cando esteas aburrido e non saibas que facer, colle un libro meu amigo, todo pode suceder…”
Así comeza a canción “IMAXINA” de Migallas, e con esta canción de fondo e moitas portadas de contos comezamos o día creando en familia a nosa exposición particular nun tendal de libros.
Este ano, apoiándonos no marabilloso texto de Montse Pena Presas “Dar de Ler”, elaboramos este vídeo, que recolle o traballo ao redor dos libros ao longo de todo o curso, porque na BiblioBN.
“TODOS OS DÍAS SON O DÍA DO LIBRO”
Como peche do mes do libro fixemos noso un dos poemas de Nocturnia 46, o fermoso poemario de Pablo Mariño (pai de Galicia e membro da ANPA de Barrionovo), titulado "Algo que escribir".
Agardamos que gocedes coa súa escoita e coas marabillosas imaxes que o acompañan.
Clica na seguinte imaxe para poder ver as distintas actividades que estamos a levar a cabo no espazo fedelleiro no obradoiro "Cómic do camiño".
Para o traballo co texto e cos bocadillos estamos a empregar as viñetas das historietas xacobeas que podedes ver no seguinte enlace https://consejojacobeox21.es/historietas-jacobeas/ . A estas historietas previamente quitámoslle o texto para que sexan os nen@s os que escriban o que cren que os personaxes están a dicir.
O noso amigo Barri tennos preparada unha sorpresa no espazo fedelleiro para este mes de abril.
Con el aprenderemos e experimentaremos un montón de cousas novas sobre os cómics.
