DÍA DE ROSALÍA 2020

Neste día fixemos un pequeno percorrido pola biografía e obra de Rosalía de Castro para despois escoller versos dos seus poemas que invadirán todo o noso cole.

Primeiro visionamos este marabilloso vídeo realizado pola rapazada da BiblioAnxo, biblioteca do CEIP "Anxo da Garda" da Coruña, para conmemorar o Día de Rosalía, e no que se ilustra perfectamente o emigrante da Galicia daquela época.

Grazas por compartir este traballo!

Despois de ver o vídeo falamos do que viron, que estarían a facer... e lemos outra poesía de Rosalía que fala da emigración, da morriña e da nostalxia.

De seguido vimos o conto en imaxes "Morriña" de Paula Ventimiglia, que ben podería ilustrar a historia de Rosalía de Castro.

E coma Rosalía foi a poeta dos emigrantes escoitamos "Adios Ríos, adios fontes" musicado por Evoéh

 Por último decidimos escoller algúns destes versos, e por equipos interniveis, escribilos para encher as nosas escaleiras.

Agora os versos de Rosalía acompañarannos acotío!!

MARÍA CASARES

Nestes días, nas aulas, estamos a traballar a artista galega que aparece no noso calendario mensual. Primeiro buscamos a información en internet, analizámola entre todos/as e, despois, pasamos eses coñecementos ao papel.

C(R)OMA GALEG@S: MARUJA MALLO

Finalizamos a nosa serie "C(r)oma galeg@s" cunha muller moi relevante nas artes galegas, Maruja Mallo.

C(r)OMA GALEG@S: EDUARDO PONDAL

Continuamos coa nosa serie "C(r)oma Galeg@s", nesta ocasión, adicada a Eduardo Pondal.

                           

C(R)OMA GALEG@S: MARÍA VICTORIA MORENO

Como non podía ser doutro xeito, este mes o noso "C(r)oma galeg@s" vai adicado a María Victoria Moreno.

DÍA DE ROSALÍA 2018

En Barrionovo levamos desde primeiros de mes traballando a figura de Rosalía de Castro, protagonista do noso calendario xunto con Eduardo Pondal, e son varias as actividades que levamos a cabo en relación coa súa figura.

Participamos na convocatoria da AELG #AbrideAFiestra cun croma no que participaron os alumnos/as e as súas familias. 

 

Empregando a técnica da impresión 3D, imprimimos a silueta da cabeza de Rosalía e pegámola enriba da súa cara para crear as nosas propias obras de arte abríndolle a fiestra. Clicar na imaxe para ver todo o proceso.

No noso venres de Encurtas, visionamos unha animación realizada polo alumnado do IES As Barxas, de Moaña, en relación co poema "Eu ben vin estar o moucho" de Rosalía de Castro.

 

E, finalmente, continuamos coa nosa serie "C(r)oma galeg@s" que, neste mes, tivo como protagonista á parella formada por Rosalía e Manuel Murguía.

C(R)OMA GALEG@S: CASTELAO

Con Castelao inauguramos esta serie de fotografías de persoeiros galegos empregando a técnica do croma.

PAÍS DAS LETRAS

A Mesa pola Normalización Lingüística ven de publicar "País das Letras", un póster para divulgar a literatura, a lingua e a historia de Galicia que conta con 40 autores e 24 personaxes galegos os cales se nos presentan nun escenario no que tamén podemos atopar paisaxes e monumentos da nosa terra.

En Barrionovo, xa comezamos a aproveitar esta iniciativa que nos encaixa tan ben co noso proxecto "A volta a Galicia en 284 días" e hoxe, na BiblioBN, estivemos analizando estas ilustracións e atopando na lámina coloreable os personaxes traballados ata o momento.

Clicando na imaxe accederedes á entrada correspondente no blogue da BiblioBN.