AS FAMILIAS CONTAN EN GALEGO

Durante todo o mes de maio a nosa biblioBN estivo aberta para recibir a todas aquelas familias que nos quixeron agasallar cunha lectura en lingua galega.

Moitísimas grazas a todas pola vosa colaboración!

Semana das letras galegas na aula azul

 O 17 de Maio celebramos o día das Letras Galegas, en Barrionovo durante toda a semana fixemos actividades adicadas as CANTAREIRAS E PANDEREITEIRAS e a tradición oral, descubirndo no mapa aldeas de Galicia, instrumentos de música con obxectos da vida cotiá naquel tempo, coplas que falan de alimentos e BAILANDO E CANTANDO.

E ao mesmo tempo seguimos contando, aprendendo letras, representando a realidade a través do debuxo, fomentando a autonomía e traballando outros contidos da escola...

INICIAMOS A SEMANA DAS LETRAS GALEGAS

 Esta semana na biblioBN estamos inmersos no mundo da tradición popular oral galega. Contamos con diversos elementos empregados antiguamente en Galicia para facer música (cunchas, lata de pimentón tixola de ferro...) e un mapa de Galicia no que estamos ubicando os lugares de onde procedían as homenaxeadas no Día das Letras Galegas deste ano 2025.

Tamén puidemos comprobar como empregaban estes obxectos para facer música e os diferentes momentos nos que o realizaban: facendo o xantar, lavando no río, na matanza do porco... e escoitamos algunhas desas coplas na voz da mestra de música.

Nunha desas coplas, a mestra Lara contou coa axuda dunha pequena pandereteira da aula laranxa. 

Para rematar, empregamos algúns recursos do Seminario Galán para identificar os instrumentos que utilizaban as cantareiras e debuxar outros dos que acababamos de coñecer.

MES DAS LETRAS GALEGAS NA BIBLIOBN

Durante o mes de maio, o Equipo de Dinamización da Lingua Galega invita ás familias a ler un conto na nosa BiblioBN coa condición de que esta lectura sexa EN GALEGO.

Só tedes que falar coas mestras, fixar data e hora e elas axudaránvos a escoller un libro da nosa biblio.

Animádevos a participar!

AS FAMILIAS CONTAN NO MES DAS LETRAS GALEGAS

Como todos os cursos, no mes de maio na biblioBN as familias contan EN GALEGO!

Moitas grazas a todas por axudarnos a fomentar a lectura na nosa lingua!

LETRAS GALEGAS 24: ALMA DE VIOLINO

O xoves día 16 conmemoramos o Día das Letras Galegas con diferentes actividades.

Recibimos na biblioBN  a Alma, compañeira de Luísa Villalta, quen saíu do violino para contarnos moitas cousiñas da vida da autora homenaxeada.

Como despedida, despois de meterse no violino de novo, Alma deixounos unha nube de pompas de xabrón.

Baseámonos no libro "Alma de violino" de Beatriz Maceda e Eli Ríos.

Despois empregamos a nosas palabras favoritas en lingua galega, elixidas na casa coas nosas familias, para completar o mural co skyline da cidade de A Coruña e os seus monumentos máis relevantes.

Por outra banda, nas aulas tamén traballamos con estas palabras para facer creacións poéticas como a que podedes ver no seguinte vídeo.

Para finalizar o día, levamos para casa unha lingua feita coa impresora 3D e un código QR que enlaza á páxina deste mesmo blogue na que se atopa o repositorio de todas as cantigas en lingua galega empregadas nos calendarios deste curso. 

http://barrionovofalagalego.blogspot.com/p/barrionovo-canta-en-galego.html

POESÍA EXPRESS: ¨OBELISCO¨ DE LUÍSA VILLALTA

Na semana das Letras Galegas, representamos o poema ¨Obelisco¨ incluído no poemario ¨En concreto¨ de Luísa Villalta.

Xogando coas luces e as sombras compoñemos o skyline de A Coruña, cidade na que naceu a homenaxeada.

Encontro con Ana Edreira

Para dar comezo á Semana das Letras Galegas, hoxe pola tarde contamos no espazo fedelleiro coa visita de Ana Edreira, intérprete da canción "Isto é Pastoriza".

Antes da súa chegada, a profe Lara púxonos a mover o esqueleto con muiñeiras e bailes tradicionais galegos.

Pablo Mariño, autor da letra, foi o encargado de facer as presentacións e explicar a orixe deste himno de Pastoriza. A continuación, familias e rapazada puxéronse mans á obra para acompañar a Ana coas palmas e coas voces.

Moitísimas grazas Ana e Martín por agasallarnos coa vosa presenza!

LETRAS GALEGAS 2023: "A MIÑA BURRIÑA"

 Na homenaxe a Don Paco non podían faltar a música e o baile e, por iso, coa profe Lara estivemos aprendendo a canción favorita de Francisco Fernández del Riego.

O martes, ao rematar o tempo do recreo, bailamos e cantamos todos xuntos "A miña burriña" no parque.

LETRAS GALEGAS 2023: AS COUSAS DE DON PACO

Para comezar a xornada do martes contamos coa visita do noso Don Paco particular quen nos agasallou cunha fermosa poesía express de Manuel María titulada "Galicia".

A continuación, fomos subindo á biblioBN en equipos mixtos para descubrir "As cousas de Don Paco", as cales estaban agochadas en 5 caixas coas súas respectivas adiviñas. Os nenos e nenas maiores foron lendo as adiviñas e, entre todos, tentamos descifrar o obxecto escondido.

Unha vez resolto o acertixo, explicamos a historia de cada obxecto (lapis, reloxo, lupa, máquina de escribir e cámara fotográfica) e a importancia do mesmo na vida de Don Paco.

Como agasallo por ter superado este reto, conseguimos as lentes de Don Paco e fixemos unhas fotos con elas para levalas para casa como recordo deste día tan especial.

Para facer esta actividade baseámonos na obra teatral creada por Eva Mejuto e ilustrada por Lucía Cobo para a Real Academia Galega en primaveradasletras.gal

PRESENTACIÓN ACTIVIDADE LETRAS GALEGAS 2023

 Este venres, na biblioBN, xuntámonos as tres aulas do centro para presentar a actividade relacionada con Francisco Fernández del Riego que desenvolveremos ao longo da próxima semana.

Coñecimos a infancia de Don Paco grazas ao seguinte vídeo elaborado polo CEIP Juan Rey.

E despois explicamos que, a partires do luns, iremos subindo á biblio en equipos mixtos para descifrar as adiviñas que nos desvelarán o contido das cinco caixas de Don Paco.

PREPARATIVOS DÍA DAS LETRAS GALEGAS 2023

En Barrionovo xa temos todo preparado para conmemorar o Día das Letras Galegas.

Aquí vos deixamos algunhas pistas das actividades que faremos para homenaxear a Francisco Fernández del Riego.

Seguiremos informando!

LECTURAS EN FAMILIA POLO MES DAS LETRAS

Ao longo do mes de maio convidamos as familias á nosa biblioBN para que nos agasallen con lecturas na nosa lingua.

Moitas grazas a todas por participar!

MES DAS LETRAS GALEGAS: AS FAMILIAS CONTAN - PABLO PAI DE GALICIA

Tras o día da festa das letras galegas as familias seguiron animándose a seguir léndonos contos, esta vez  Pablo leunos o conto de "Diferentes diferenzas" de Silvia Penide.

(Preme na imaxe para acceder a máis información)

MES DAS LETRAS GALEGAS: AS FAMILIAS CONTAN - TÍA DE LEO

 Seguimos a contar en galego neste mes tan especial! Esta vez a tía de Leo contounos o conto "Coidado coa charca", da editorial bululú.

 

(Preme na imaxe para acceder a máis información)