SAÍDA MONTE DE SAN PEDRO

Para rematar este curso, no que estivemos inmersos/as na natureza da nosa contorna grazas ao proxecto #somosdemonte, a última saída tiña que ser a un dos montes traballados nas aulas.

E, por iso, o venres 21 subimos ao autobús rumbo ao Monte de San Pedro. Alí nos recibiron dúas monitoras de "Puertas Afuera" coas fixemos un percorrido moi interesante con diferentes paradas interpretativas para coñecer a flora e a fauna do parque. 

EXPO #SOMOSDEMONTE

PREPARATIVOS EXPO #SOMOSDEMONTE

O xoves 20, ás 10 da mañá, imos realizar na escola unha exposición para amosar ás familias todo o traballo levado a cabo ao longo do curso en relación co proxecto #somosdemonte.

Ao longo destes días, nas aulas, estivemos levando a cabo os preparativos para a difusión deste evento tan especial:

-Os nenos e nenas de 3 anos realizaron un trailer

-As alumnas/os de 4 elaboraron diferentes carteis que colocaron en diferentes lugares do centro

-Na aula de 5 anos, encargáronse de facer as invitación para as familias

FESTIVAL FIN DE CURSO

Este luns tivo lugar no Centro Cívico Cultural de Arteixo o festival de fin de curso, para o cal contamos coa presenza de Pablo Díaz, un compositor e intérprete de música infantil en lingua galega. Grazas á súa disposición e amabilidade puidemos subir ao escenario a interpretar con el tres temas do seu repertorio: "As mans" (nenos e nenas de 3 anos), "Piratas" (4 anos) e "O reloxo de Alberte" (5 anos). 

Clicando na imaxe podedes visualizar todo o contido.

Moitísimas grazas Pablo!

ENCONTRO: ANXO MOURE

Onte, con motivo do Día Internacional do Medio Ambiente, contamos na biblioBN cunha actividade de dinamización da lectura e de concienciación medioambiental.

Anxo Moure nos deleitou cunha chea de historias, cancións, danzas... e todo na nosa lingua.

CALENDARIO XUÑO

ESCAPE ROOM LETRAS GALEGAS 2019: ANTÓN FRAGUAS

Para celebrar o Día das Letras Galegas 2019 a BiblioBN organizaou un ESCAPE ROOM tendo como protagonista o homenaxeado ANTÓN FRAGUAS.

Esta proposta consistía en superar seis retos que estaban distribuídos en diferentes espazos do centro. Os nenas e nenas tiñan que traballar en equipo para poder superalos e axudar a Antón a recuperar a súa memoria.

O primeiro paso foi visionar na Biblioteca o seguinte vídeo: 

A continuación organizámonos por equipos e descubrimos o que contiñan as carpetas que apareceron.

Despois pasamos á acción. O primeiro reto estaba ubicado no local da ANPA. Neste reto cada equipo tiña que buscar un sobre coa súa cor, e resolver o puzzle que atopaban dentro. As imaxes dos puzzles correspondían coas obras de Antón Fraguas.

Para o seguinte reto tiñamos que ir ao patio, onde dentro dos areeiros estaban agochadas varias chaves. Para poder atopalas utilizamos uns imáns.

No terceiro reto, ubicado no Espazo Fedelleiro, había que utilizar unha plantilla que levaban as nosas mochilas para guiar o Escornabot polo panel. Cando chegaban ao punto marcado coa bandeira de Galicia, atopaban unha coordenada que tiñan que buscar no mapa da nosa Comunidade. Dentro dese cadrante ubicábase o lugar de nacemento do homenaxeado, o cal tiñan que apuntar na libreta de rexistro.

No cuarto espazo, tiñamos que descifrar unha mensaxe coas Runas Vikingas. Ao discifralo descubrían unha das profesións do persoeiro.

Seguinte reto: mensaxe oculta. Coa axuda das acuarelas e pinceis descifraban o nome e apelido do autor do "Cantigueiro de Cotobade".

Na aula rosa atopamos a última pista gardada nunha caixa cerrada con dous candados numéricos. Para poder abrila, tiñamos que atopar nas nosas mochilas a data de nacemento e de morte. Cando introducían os códigos nos candados conseguían as datas xunto con dúas fotos.

Para todo isto, contábamos con dous comodíns: un de chamada a outro equipo, e outro de axuda por parte dos mestres.

Por último, reunímonos todos na BiblioBN, e abrimos o cofre coa axuda das chaves atopadas.

Neste cofre tiñamos unhas instrucións para poder recibir unha visita especial.

Por fin chegou o momento de recibir a Antón Fraguas!

Foi unha experiencia diferente e moi divertida!

Feliz Día das Letras Galegas!

TRAILER: DÍA DAS LETRAS GALEGAS 2019

Aquí vos deixamos un adianto do que vai a suceder mañá na nosa escola.

Un reto trepidante no que as nenas e nenos terán que liberar a memoria dun persoeiro moi importante para devolverlle a súa identidade.

Estade ben atentos/as porque mañá descubriremos o misterio.

CALENDARIO MAIO

SAÍDA MONTICAÑO

O venres levamos a cabo tarefas de reforestación no parque do Monticaño. Cada aula tivo a oportunidade de plantar unha especie autóctona diferente: carballo, castiñeiro e freixo.

Agora sodes as familias as encargadas de continuar con estas actividades de reforestación empregando o loureiro e o pradairo que os nenos e nenas levaron para casa.

ENCONTRO: REFORESTACIÓN

Hoxe en Barrionovo tivo lugar unha visita moi especial. Dentro do noso proxecto #somosdemonte, contamos coa presenza de Armando que nos veu falar da importancia do coidado dos nosos montes para evitar os perigos dos incendios. Con el aprendemos os accesorios que precisan os bombeiros forestais para protexerse cando están facendo o seu traballo, así como a importancia de levar a cabo tarefas de reforestación para recuperar os montes queimados.

Para finalizar o encontro, Armando escolleu o conto "A pequena árbore" de Ánxeles Ferrer publicado pola editorial Xerais.

E como colofón a esta actividade, cada neno e nena puido levar para casa unha das arboriñas (loureiros, pradairos e carballos) que nos trouxo o noso convidado especial para poder levar a cabo accións de reforestación coas súas familias.

Pasamos un rato moi divertido e aprendemos un montón de cousas. Moitísimas grazas por todo!

DÍA DAS ARTES GALEGAS: LUIS SEOANE

Para conmemorar o Día das Artes Galegas e homenaxear a Luis Seoane, a mestra María creou unha fermosa historia con algunhas das obras deste artista. 

Cunha música relaxante de fondo e empregando a técnica xaponesa do kamishibai, María relatounos un conto ambientado nunha fraga galega no que aparecían moitas cousas das aprendidas co noso proxecto #somosdemonte (raposos, xabaríns, porco teixos, incendios forestais...)

Unha vez rematada a lectura do conto, acordamos repartirnos as láminas de Seoane por aulas para crear as nosas propias historias.

CALENDARIO ABRIL

ENCONTROS CON FAMILIAS: #SOMOSDEMONTE

Neste segundo trimestre seguimos compartindo experiencias relacionadas co noso proxecto anual #somosdemonte coas familias do alumnado.

Na biblioBN contamos coa visita da tía e da irmá de Ainara Souto que nos viñeron a falar do Monte e do Castro de Santa Tegra.

E tamén recibimos á nai de Iago coa que aprendemos moitas cousas sobre unha especie invasora como é o plumeiro da pampa.

No noso horto contamos cunha axuda moi especial, o pai de Ainara Carril quen quixo compartir con nós os seus coñecementos hortícolas e con el plantamos repolos e col kale.

Preme nas imaxes para ampliar a información. 

Moitísimas grazas a todos polas vosas aportacións!

SAÍDA Á FRAGA DE SISALDE

CALENDARIO MARZO

ENTROIDO 2019: #SOMOSDEMONTE

ENTROIDO 2019: MANDADIÑOS (XOVES)

ENTROIDO 2019: MANDADIÑOS (MÉRCORES)

ENTROIDO 2019: MANDADIÑOS (MARTES)