CALENDARIO XUÑO

AS FAMILIAS CONTAN EN GALEGO

Durante todo o mes de maio a nosa biblioBN estivo aberta para recibir a todas aquelas familias que nos quixeron agasallar cunha lectura en lingua galega.

Moitísimas grazas a todas pola vosa colaboración!

ESTE MES DE MAIO É O MES DAS FLORES

 Coa chegada do mes de maio, aproveitamos para facer unha actividade co conto "Flores" de Hervé Tullet e co seguinte poema popular galego.

Primeiro fixemos a lectura do mesmo no patio.

Despois da poesía express, os nenos e nenas da aula laranxa fixeron as súas propias creacións inspiradas nas flores de Hervé Tullet empregando témperas sólidas.

Pola tarde, na actividade de Lectura e familias, recitamos tamén un poema relacionado coas rosas incluído no libro "Caderno de fume" de Antonio García Teijeiro e Leandro Lamas.

E, por último, e coa axuda das familias puxémonos mans á obra para crear os nosos cadros florais. Empregando cartón, aironfix, flores secas e a nosa creatividade elaboramos diferentes obras artísticas.

Semana das letras galegas na aula azul

 O 17 de Maio celebramos o día das Letras Galegas, en Barrionovo durante toda a semana fixemos actividades adicadas as CANTAREIRAS E PANDEREITEIRAS e a tradición oral, descubirndo no mapa aldeas de Galicia, instrumentos de música con obxectos da vida cotiá naquel tempo, coplas que falan de alimentos e BAILANDO E CANTANDO.

E ao mesmo tempo seguimos contando, aprendendo letras, representando a realidade a través do debuxo, fomentando a autonomía e traballando outros contidos da escola...

ENCONTROS BN: FESTEXANDO AS LETRAS GALEGAS CON ANA EDREIRA

Hoxe na biblioBN conmemoramos o Día das Letras Galegas co obradoiro "As cantareiras" a cargo de Ana Edreira, directora das pandereteiras de Xacarandaina e nai dun antiguo alumno da nosa escola.

 

Grazas a ela puidemos coñecer un pouquiño máis sobre as homenaxeadas nas Letras Galegas 2025 e compartimos algunhas tradicións galegas (coplas, instrumentos, bailes...).

Moitas grazas Ana!  

POESÍA EXPRESS: LETRAS GALEGAS

Iniciamos a semana das Letras Galegas cunha poesía express extraída do libro "Caderno de fume" de Antonio Teijeiro e Leandro Lamas relacionada coas verbas na nosa lingua.

            

Palabras como: muller, bolboretas, vasoira ou culler foron as elixidas polo alumnado da aula rosa para representala.

INICIAMOS A SEMANA DAS LETRAS GALEGAS

 Esta semana na biblioBN estamos inmersos no mundo da tradición popular oral galega. Contamos con diversos elementos empregados antiguamente en Galicia para facer música (cunchas, lata de pimentón tixola de ferro...) e un mapa de Galicia no que estamos ubicando os lugares de onde procedían as homenaxeadas no Día das Letras Galegas deste ano 2025.

Tamén puidemos comprobar como empregaban estes obxectos para facer música e os diferentes momentos nos que o realizaban: facendo o xantar, lavando no río, na matanza do porco... e escoitamos algunhas desas coplas na voz da mestra de música.

Nunha desas coplas, a mestra Lara contou coa axuda dunha pequena pandereteira da aula laranxa. 

Para rematar, empregamos algúns recursos do Seminario Galán para identificar os instrumentos que utilizaban as cantareiras e debuxar outros dos que acababamos de coñecer.

MES DAS LETRAS GALEGAS NA BIBLIOBN

Durante o mes de maio, o Equipo de Dinamización da Lingua Galega invita ás familias a ler un conto na nosa BiblioBN coa condición de que esta lectura sexa EN GALEGO.

Só tedes que falar coas mestras, fixar data e hora e elas axudaránvos a escoller un libro da nosa biblio.

Animádevos a participar!

CALENDARIO MAIO

CERÁMICA DE SARGADELOS

Durante todo o mes de abril para conmemorar o Día das Artes Galegas e, mais concretamente a figura de Isaac Díaz Pardo, levamos a cabo no espazo fedelleiro un obradoiro de cerámica de Sargadelos.

Empregando masa de modelar creamos os nosos propios pratiños aos que despois lles estampamos con tinta diferentes motivos propios das vaixelas de Sargadelos.

CALENDARIO ABRIL

 

PREPARANDO A HORTA PARA AS LEITUGAS

CROMA DE ENTROIDO: OS PEIXIÑOS DO MAR

 

LIPDUB 8M "VARRE VASOIRA"

Aproveitamos o luns de Lectura e familias para preparar coa súa axuda os carteis que empregaremos no lipdub que faremos co alumnado coa canción "Varre vasoira" do grupo Fillas de Cassandra.

CALENDARIO MARZO

STOP MOTION: DÍA DE ROSALÍA 2025

 

Tarde de Biblio: Rosas para Rosalía

Repasamos a vida e a obra de Rosalía co libro "Rosalía de Castro. Unha vida feita poema" de Ed. Cumio.

Despois e coa axuda das familias fixemos rosas con papel, gomas e limpiapipas.

As nosas rosas para Rosalía!!!

DÍA DE ROSALÍA 2025

Festexamos o Día de Rosalía (23 de febreiro) coa lectura dun poema extraído do libro "Paseniño, paseniño" de Antonio García Teijeiro no que homenaxea a Rosalía de Castro.

Letras e rosas realizadas coa impresora de corte e extraídas do cartel da Fundación Rosalía de Castro.

Empregamos as rosas para estampalas e engadilas ao mural colectivo.

Todo o proceso foi recollido nun Stopmotion que será visionado este Venres de EnCurta.

Como colofón deste día, levamos de agasallo os medallóns elaborados no Obradoiro de Flores Silvestres.