25N: NON CALES

 Lectura do cartaz de Bea Lema en familia e elaboración dunha pancarta onde, xogando coa pintura invisible, quixemos resaltar a importacia de pedir axuda e non quedar en silencio. 

#NONCALES

Conmemoramos o 25 N sacando a mensaxe oculta na entrada da escola coa participación das familias, e na BiblioBn unha lectura de POESÍA EXOPRESS.

DÍA DA MÚSICA 2025

 O MAGNETÓFONO DO AVÓ MANUEL

Unha viaxe ao pasado na nosa máquina do tempo para conmemorar o día da música.

Descubrimos e escoitamos música gravada en vinilos, casetes ou CD, e como non no MAGNEFÓFONO do avó de Estefanía.

Ademaís bailamos ao son da armónica, das cunchas e cantamos a nosa canción  A MÁQUINA DO TEMPO.

ARRINCA O PRÉSTAMO DAS MOCHILAS FEDELLEIRAS

POLO SAN MARTIÑO TROMPOS AO CAMIÑO

Durante este mes de novembro os trompos están sendo os protagonistas no patio de Barrionovo.

MAGOSTO 2025

Hoxe celebramos o Magosto na escola, onde non faltaron as nosas familias, os xogos de tradición, a degustación de castañas e unha boa foliada.

Moitas grazas a ANPA pola axuda e colaboración, a Paula, mestra en prácticas polo achegamento a cultura galega, e a todas as familias pola participación no día de hoxe.

 

EXPER-CIENCIA NAS AULAS

Tralo encontro na biblioBN para inagurar o mes da ciencia, os tres experimentos empezaron a viaxar polas aulas.

Os nenos e nenas da aula rosa, puideron achegarse un pouco máis as nubes e intentaron simular unhas. Primeiro, cubrimos os botes de auga ata a marca. 

Despois, enchemos de espuma.

E por último, botamos colorante. 

Aquí deixamos o rexistro do proceso.

Na aula laranxa experimentaron co principio de densidade e comprobaron como o ovo afunde na auga doce e flota na auga salgada porque a densidade desta é maior.

MES DA CIENCIA EN GALEGO 2025

Con motivo da celebración do mes de novembro como o mes da ciencia en galego nas bibliotecas escolares desfrutamos dun EncontXo a partir do libro "Ada nagnífica científica" de Beascoa. A través deste conto rimado coñecemos unha nena con grandes inquedanzas científicas.

A continuación descubrimos tres experimentos recollidos no libro "Experciencia" de Cumio editorial que irán rotando polas aulas durante todo o mes.

CALENDARIO NOVEMBRO