IV CONCURSO FOTOGRÁFICO: OFICIOS ARTESANAIS

O Equipo de Dinamización da Lingua Galega da Escola Infantil de Barrionovo, en colaboración coa BiblioBN, convídanvos a participar no IV Concurso de fotografía: oficios artesanais.

Animádevos!

MARÍA CASARES

Nestes días, nas aulas, estamos a traballar a artista galega que aparece no noso calendario mensual. Primeiro buscamos a información en internet, analizámola entre todos/as e, despois, pasamos eses coñecementos ao papel.

ENCONTXO: DESPEGAMOS?

Comezamos a nosa viaxe collendo o noso voo, que a través do conto "Volta, Revolta e Reviravolta" levounos ao redor do mundo.

Na clase tiñamos as nosas tarxetas de embarque, buscamos o noso asento e... a viaxar!

Máis tarde, no Fedelleiro, agardábannos unhas maletas cheas de sorpresas, pezas para construír a nosa edificación despois de falar de todo o visto polas escaleiras e na BiblioBn.

CALENDARIO SETEMBRO

Comezamos curso cun novo calendario. 

Nesta ocasión, empregaremos as estrofas relativas á canción estreada hai uns días pola Mesa pola Normalización Lingüística "Os meses do ano" interpretada por Magín Blanco.

Ademais, tendo en conta o noso proxecto anual #mesturArte, tamén traballaremos cada mes unha modalidade artística diferente (cine, escultura, pintura, danza...) representada por algún artista ou artistas galegos.

Aquí vos deixamos o primeiro dos meses no que falaremos do cine da man de María Casares.