Cada 17 de maio, na cerna da primavera, celebramos que en Galicia temos unha lingua e unha literatura propia. A través dela rememoramos o pasado, nomeamos o presente e construímos o futuro.

Ricardo Carballo [Carvalho] Calero

Ricardo Carvalho Calero foi un gran escritor galego. Naceu na cidade coruñesa de Ferrol. Defendeu o idioma galego, escribiu moitos libros no noso idioma e traballou en moitas revistas galegas. Un dos seus libros máis famosos para os nenos e nenas é As pitas baixo a choiva. Neste libro Ricardo conta unha cousa que lle pasou de pequeno cando quería recoller as galiñas que se mollaban coa choiva e acabaron todos mollados como pitos: as galiñas, el e toda a súa familia. Este ano 2020 a Real Academia Galega dedícalle o Día das Letras, polo seu traballo en defensa do idioma galego e da nosa cultura.